Gesalfde is ‘n klein besigheid in Kaapstad waar alle produkte handgemaak word.
Almal het ‘n storie en deur stories met mekaar te deel maak ons die grond gelyk. Soms kyk ons na ander se lewens deur ‘n sosialemedia lens waar alles perfek vertoon terwyl die waarheid ver verwyderd van dit is.
Gesalfde het ontstaan as gevolg van ‘n behoefte om te kan help, ‘n gebed en gehoorsaamheid. Die bietjie wat ek in my hand gehad het, het ek voor God gaan lê en saam met Hom ‘n pad begin stap wat my vele kere sonder woorde gelos het.
Vandag kan ek getuig dat die Here regtig ons trane opvang en ‘n nuwe lied in ons monde lê. Hy vat die seer en verander dit in vreugde. Hy maak ALLES nuut. Sy Woord is onwankelbaar.
3 woorde ~ geliefd, genoeg en gekies. DIE WORSTELING VAN ELKE VROU EN DIE AREA WAAR GOD HERSTEL WIL BRING.
Elke woord het ‘n geur. ‘n Geur vir elke vrou. ‘n Boodskap vir elkeen.
Elke woord het ‘n geur.
‘n Geur vir elke vrou.
‘n Boodskap vir elkeen.
My reeks olies bestaan uit 12 woorde.
Smeer die lyfolie aan na ‘n bad of stort in die plek van lyfroom of gooi ‘n bietjie in jou badwater. Die olies is nie vetterig op die vel nie en trek vinnig in. Dit voed jou vel dieper en van binne af.
